Жаналыктар — Страница 3 — Ясли

Балабақшамызда «Адал азамат» біртұтас тәрбие бағдарламасының «Заң мен тәртіп» жобасы аясында жолда жүру ережелері бойынша балабақшаішілік «Брейн-ринг» сайысы ұйымдастырылды.

Сайыстың мақсаты – тәрбиеленушілердің жол қозғалысы ережелері туралы білімдерін қалыптастыру және бекіту, жолда өзін қауіпсіз ұстау дағдыларын дамыту, тәртіпке баулу және қауіпсіздік мәдениетін нығайту.

Сайысқа 3 мектепалды тобы қатысты:

«Еркемай» тобы
«Гүлдер» тобы
«Балдырған» тобы

Сайыс барысында балалар жол белгілерін тану, бағдаршам түстерінің мағынасын түсіндіру, жолда жүру кезіндегі қауіпсіз әрекеттерді көрсету, жағдаяттық тапсырмаларды орындау кезеңдерінен өтті. Қатысушылар белсенділік танытып, өз білімдері мен ұйымшылдықтарын көрсетті.

Қорытынды нәтиже бойынша:
І орын – «Бағдаршам» командасы («Еркемай» тобы).
ІІ орын – «Тәртіпті бала» командасы («Гүлдер» тобы).
ІІІ орын – «Участники движения» командасы («Балдырған» тобы).

Жеңімпаз «Бағдаршам» («Еркемай» тобы) командасы қалалық кезеңге жолдама алды. Осындай мазмұнды шаралар балалардың жол қауіпсіздігі туралы түсінігін кеңейтіп, тәртіпті, жауапты азамат болып қалыптасуына негіз болады.

2026 жылдың 23 ақпан күні Астана қаласы әкімдігінің «Әдістемелік орталығы» МКҚК ұйымдастыруымен мектепке дейінгі ұйымдар педагогтері қауымдастығының жұмысы аясында Астана қаласы әкімдігінің №39 «Меруерт» балабақшасында қазақ тілі педагогтері, мектепалды топ және тәрбиешілерге арналған ашық ұйымдастырылған іс-әрекеттері өтті.

Ұйымдастырылған іс-әрекеттеріне Сарыарқа ауданы бойынша балабақша педагогтері мен тәрбиешілері қатысты. Балабақша тәрбиеленушілері келген қонақтарды “Сәби тілегі” және “Балдырғандар” әнімен қарсы алды.

“Аққу” ортаңғы тобы тәрбиешісі Абдрахманова Ш.Г. “Қыс келді қонаққа”, қазақ тілі педагогі Валеева Р.Ж. “Қыс қызығы” және “Балдырған” мектепалды тобы тәрбиешісі Харитонова Г.Х. “Ұлттық ойын — ұлт қазынасы” ұйымдастырылған іс-әрекеттерін көрсетті.

Оралбай Б. “Бала тілін дамытуда ертегілерді қолдану”, Мукушева Р.Т. “Ойын арқылы баланың ой-өрісін жетілдіру”, Мукашева Г.Д. “Дамытушы ойындар арқылы бала тілін дамыту жолдары”, Г.Дәуірбекқызы мен қазақ тілі педагогі Есенова Қ.Қ. өз тәжірибелерімен бөлісіп, шебер-сыныптар өткізді.

Барлық өткізілген іс-шаралар қатысушылар тарапынан өте жақсы деңгейде бағаланды. Семинарға 40 — қа жуық педагогтер қатысты.