Рубрика: Жаналыктар

2026 жылдың 26 мамыр күні балабақшамызда Астана қаласы Полиция департаменті мен Төтенше жағдайлар департаменті өкілдерінің қатысуымен «Қауіпсіз бала — сенімді орта» тақырыбында жалпы ата-аналар жиналысы өтті.

Жиналыс барысында балалардың қауіпсіздігі, жол қозғалысы ережелері, төтенше жағдайлардың алдын алу, сондай-ақ ата-аналардың жауапкершілігі туралы маңызды ақпараттар берілді.

Мамандар ата-аналарға қауіпсіз орта қалыптастырудың маңыздылығын түсіндіріп, пайдалы кеңестерімен бөлісті.

Балалардың амандығы мен қауіпсіздігі – баршамызға ортақ міндет!

#БалаҚауіпсіздігі #АтаАналарЖиналысы #ПолицияДепартаменті #ТЖД #Балабақша #ҚауіпсізБалалықШақ

Астана қаласы әкімдігінің №39 «Меруерт» балабақшасының тәрбиешісі Омарова Гүлсім Теребайқызын «Мектепке дейінгі ұйымның үздік педагогі» республикалық байқауының қалалық кезеңіне қатысып, кәсіби шеберлігі мен педагогикалық тәжірибесін жоғары деңгейде көрсеткені үшін шын жүректен құттықтаймыз!

Сіздің шығармашылығыңыз, ізденімпаздығыңыз және бала тәрбиесіндегі ерен еңбегіңіз – әріптестеріңізге үлгі, ал тәрбиеленушілеріңіз үшін үлкен қамқорлық пен мейірімнің жарқын көрінісі.

Білім беру саласындағы жемісті еңбегіңізге толағай табыс, шығармашылық шабыт, жаңа жетістіктер мен биік белестер тілейміз!

Ізгі тілекпен,

№39 «Меруерт» балабақшасының ұжымы

2026 жылғы 5–6 мамыр күндері Ақтау қаласында өтіп жатқан

«Конституция құндылықтары аясындағы заманауи білім беру: дәстүр мен инновациялар» тақырыбындағы III Халықаралық ғылыми-практикалық конференция бүгін өз мәресіне жетеді.

Бұл іс-шара педагогтердің тәжірибе алмасу, кәсіби дамуына және ұлттық құндылықтарды дәріптеуге үлкен мүмкіндік береді.

Конференция аясында өтіп жатқан дене шынықтыру педагогтері арасындағы «Тоғызқұмалақ» пен «Бестемше» ұлттық зияткерлік ойындарына

№39 «Меруерт» балабақшасының дене тәрбиесі нұсқаушысы Саягүл Булатовна төреші ретінде қатысып, кәсібилігі және әділ бағалауымен ерекшеленуде.

Саягүл әріптесімізге шын жүректен алғыс білдіреміз!Кәсібилігіңіз бен жауапкершілігіңіз әрдайым биіктен көріне берсін.Әрқашан шабыт пен жаңа белестер серігіңіз болсын!

Бүгін балабақшамызда балалардың ең жарқын мерекелерінің бірі – Халықаралық балаларды қорғау күні кең көлемде аталып өтті.
Мерекелік шара барысында бүлдіршіндер ән айтып, би билеп, қызықты ойындарға қатысып, көтеріңкі көңіл күй сыйлаған көңілді сайыстарға белсенді қатысты. Балалардың шат күлкісі мен қуанышты жүздері мерекенің сәнін келтірді.
Балалық шақ – бақытқа, мейірім мен қамқорлыққа толы ерекше кезең. Әрбір бала бақытты болып, армандары орындалып, жарқын болашаққа нық қадам бассын!
Балаларымызға зор денсаулық, шаттық пен бақыт тілейміз!

#1Маусым #ХалықаралықБалалардыҚорғауКүні #Балабақша #БақыттыБалалықШақ #БалаларМерекесі #БалаларҚуанышы #МеруертБалабақшасы

2026 жылғы 15 сәуірде балабақшамызда мектепке дейінгі ұйым педагогтеріне арналған «АБАЙ АМАНАТЫ – МЕКТЕПКЕ ДЕЙІНГІ ЖАСТАҒЫ БАЛАЛАРДЫҢ ҰЛТТЫҚ ЖӘНЕ АДАМГЕРШІЛІК ҚҰНДЫЛЫҚТАРЫН ТӘРБИЕЛЕУДІҢ НЕГІЗІ» тақырыбында республикалық конференция өтті.

Аталған іс-шараның мақсаты – мектепке дейінгі жастағы балалардың ұлттық және адамгершілік құндылықтарын қалыптастыруда Абайдың рухани мұрасын тиімді пайдаланудың ғылыми-тәжірибелік негіздерін айқындау, педагогтердің кәсіби құзыреттілігін арттыруға бағытталған әдістемелік ұсыныстарды әзірлеу және тәжірибеге енгізу.

Конференция барысында мектепке дейінгі тәрбиелеу мен оқыту үдерісінде Абай шығармаларының тәрбиелік әлеуетін қолданудың заманауи тәсілдері ұсынылды. Қатысушылар педагогикалық тәжірибе алмасып, әдістемелік ұсынымдар әзірлеу бағытында өзара пікір алмасты.

Іс-шара «Абай аманаты – ұрпаққа мұра» атты көрмені таныстырумен басталды. Ашылу рәсімі аясында тәрбиеленушілердің қатысуымен тақырыптық бейне-инсталляция және көркемдік-музыкалық композициялар ұсынылды.

Конференция бағдарламасы шеңберінде педагогтер мектепке дейінгі білім беру мазмұнына Абай мұрасын кіріктірудің тиімді жолдарын көрсетті. Сонымен қатар, іс-шара аясында зияткерлік ойын элементтері, шығармашылық жұмыстар және көркемдік нөмірлер ұйымдастырылды, педагогтердің кәсіби тәжірибе алмасуына жағдай жасалды.

Шеберлік сыныптар барысында қатысушылар ұлттық құндылықтарды қалыптастыру, заманауи цифрлық технологияларды қолдану, баланың ойлау және сөйлеу дағдыларын дамыту, сондай-ақ жасанды интеллект мүмкіндіктерін тиімді пайдалану бағыттарында тәжірибелерімен бөлісті.

Конференция соңында ата-аналардың қатысуымен «Бойы бұлғаң» әні орындалды. Аталған республикалық конференция мектепке дейінгі білім беру жүйесінде ұлттық руханиятты дәріптеу мен Абай мұрасын кеңінен насихаттауға бағытталған маңызды алаң болды.

Мектеп жасына дейінгі балаларға арналған «Жұлдызды жол» қалалық интеллектуалдық олимпиадасының аудандық кезеңінде №39 «Меруерт» балабақшасының тәрбиеленушілері жоғары нәтиже көрсетті.

Олимпиада қорытындысы бойынша балабақшамыздың «Балдырған» тобының тәрбиеленушісі Токаева Томирис жүлделі ІІІ дәрежелі дипломмен марапатталды.
Жетекшісі –  Харитонова Гулдана Хамзаевна.

Сонымен қатар, балабақшамыздың «Гүлдер» тобынан  Әлібек Балжан да жүлделі ІІІ орынға ие болды. Жетекшісі –Хадар Жайна.

Балаларымызды және жетекші педагогтарды құттықтай отырып, алдағы уақытта да шығармашылық табыс пен жаңа жетістіктер тілейміз!

Астана қаласы бойынша Бала құқықтары жөніндегі уәкілі Әсима Бимендинаның қатысуымен өткен іс-шарада Бала құқықтарын қорғау басқармасы, Полиция департаменті, Төтенше жағдайлар департаменті, Санитарлық-эпидемиологиялық басқармасы, Экономикалық тергеп-тексеру басқармасының өкілдері де қатысты.

Іс-шараның негізгі мақсаты – мектепке дейінгі білім беру ұйымдарында ата-аналардың балалардың өмірі мен денсаулығын қорғаудағы жауапкершілігін арттыру, қауіпсіз орта қалыптастырудың маңыздылығын түсіндіру және күнделікті өмірде кездесетін қауіптердің алдын алу бойынша практикалық дағдыларын қалыптастыру.

Жиын барысында қатысушылар «Қауіпсіз бала – бақытты болашақ» атты көрмемен танысып, цифрлық дәуірдегі бала тәрбиесіне арналған бейне-инсталляцияны тамашалады. Сонымен қатар, балабақша тәрбиеленушілері жол қозғалысы ережелеріне арналған сахналық қойылым ұсынып, көрермендерге көтеріңкі көңіл күй сыйлады.

Астана қаласы бойынша Бала құқықтары жөніндегі уәкілі Әсима Бимендина кіріспе сөзінде балалардың құқықтарын қорғау, олардың қауіпсіздігін қамтамасыз ету және осы бағыттағы негізгі мәселелер мен оларды шешу жолдары қоғам үшін аса маңызды екенін атап өтті.

Өз кезегінде Бала құқықтарын қорғау басқармасының басшысы Серік Әділбаев әрбір баланың қауіпсіз ортада өмір сүруі – басты міндеттердің бірі екеніне ерекше тоқталды.

Балалардың денсаулығын қорғау мәселесі де назардан тыс қалған жоқ. Астана қаласы Сарыарқа ауданының санитариялық-эпидемиологиялық бақылау басқармасы басшысының орынбасары Әлия Мамыр қызылша ауруының алдын алу, вакцинацияның маңыздылығын ерекше атап өтті.

Аталған іс-шара ата-аналар мен мамандар арасындағы өзара ынтымақтастықты одан әрі нығайтып, балалар үшін қауіпсіз әрі сенімді орта қалыптастыруға бағытталған маңызды қадам болды. Осындай кездесулер алдағы уақытта барлық ауданда жалғасын табатын болады.

Іс-шараға 50-ден аса мектепке дейінгі білім беру ұйымдарының ата-аналары қатысты.

«Астана дарыны» дарынды балалар мен талантты жастарды анықтау және қолдау орталығы мен «Тоғызқұмалақ Зияткерлік Қауымдастығы» РҚБ бірлесе ұйымдастырған мектеп жасына дейінгі балаларға арналған «Бестемше» өңірлік ұлттық ойын жарысында балабақшамыздың намысын қорғаған «Еркемай» мектепалды тобының тәрбиеленушісі Ғалымжан Санжар жүлделі III орын иеленді.

Жас бүлдіршінімізді жеңісімен шын жүректен құттықтай отырып, алдағы уақытта да биік белестерді бағындыруына тілектеспіз!
Жетекшісіне алғыс білдіреміз!

Мектепке дейінгі ұйымымызда жүзеге асырылып жатқан «Адал азамат» біртұтас тәрбие бағдарламасы аясында ортаңғы «Аққу» тобының тәрбиеленушілерімен «Қамқор» жобасы ұйымдастырылды.

Жобаның мақсаты – балалардың бойында адамгершілік, жанашырлық, жауапкершілік қасиеттерін қалыптастыру, табиғатқа қамқорлықпен қарауға тәрбиелеу.

Іс-шара барысында «Аққу» тобының бүлдіршіндері табиғат бұрышындағы бөлме өсімдіктеріне күтім жасап, гүлдерге су құйды, жапырақтарын сүртті, топырағын қопсытты. Тәрбиеші балаларға өсімдіктердің тірі ағза екендігін, оларға да күтім мен мейірім қажет екенін түсіндірді.

Балалар тапсырмаларды қызығушылықпен орындап, бір-біріне көмектесіп, ұқыптылық пен жауапкершілік танытты. Осындай шағын әрекеттер арқылы бүлдіршіндердің экологиялық мәдениеті қалыптасып, еңбекке деген сүйіспеншілігі арта түсті.

«Қамқор» жобасы – өскелең ұрпақтың жүрегіне мейірім ұялатып, оларды адал да жауапты азамат болып қалыптастыруға бағытталған маңызды қадам. Қамқорлық – үлкен тәрбиенің бастауы!

Балабақшаішілік кезеңде жеңімпаз атанған «Бағдаршам» командасы («Еркемай» тобы) жолда жүру ережесі бойынша ұйымдастырылған қалалық «Брейн-ринг» сайысына қатысып, жоғары дайындық деңгейін көрсетті.

Қалалық кезең барысында балалар жол қозғалысы ережелеріне қатысты сұрақтарға нақты әрі сенімді жауап беріп, жол белгілерін ажырату, қауіпсіз әрекеттерді түсіндіру және жағдаяттық тапсырмаларды орындау кезеңдерінде белсенділік танытты.

 Қорытынды нәтиже бойынша «Бағдаршам» тобы («Еркемай») жүлделі ІІ орынға ие болды.

Бұл жетістік – балалардың білімге деген қызығушылығы мен тәртіпке жауапкершілікпен қарауының, сондай-ақ педагогтардың жүйелі еңбегінің нәтижесі.

Біз «Еркемай» тобының тәрбиеленушілерін және жетекшілерін шын жүректен құттықтаймыз! Балаларға жаңа белестер мен жарқын жеңістер тілейміз