Балабақшада тәрбиеленушілердің денсаулығын сақтау, қауіпсіз әрі сапалы тамақтануын қамтамасыз ету мақсатында бракераж комиссиясы жұмыс істейді.

Бракераж комиссиясының негізгі мақсаты — балаларға ұсынылатын тағамдардың сапасын, қауіпсіздігін, дайындалу технологиясының сақталуын және тамақтануды ұйымдастыру талаптарының орындалуын бақылау.

Комиссияның негізгі міндеттері:

• дайындалған тағамдардың сапасы мен қауіпсіздігін бақылау;
• тағамдардың сыртқы түрін, түсін, иісін, дәмін және консистенциясын бағалау;
• дайын тағамдардың бекітілген ас мәзіріне сәйкестігін тексеру;
• тағамдардың порция көлемі мен шығымының белгіленген талаптарға сәйкестігін бақылау;
• азық-түлік өнімдерінің сапасын, жарамдылық мерзімдерін және сақтау жағдайларын қадағалау;
• ас блогындағы санитариялық-гигиеналық талаптардың сақталуына назар аудару;
• анықталған кемшіліктер бойынша тиісті шаралар қабылдау және ұсыныстар енгізу.

Комиссия жұмысының ұйымдастырылуы

Бракераж комиссиясының құрамы балабақша басшысының бұйрығымен бекітіледі. Комиссия құрамына медицина қызметкері, әкімшілік өкілі, ас блогына жауапты қызметкер және ата-аналар өкілі енгізіледі.

Дайын тағамдардың сапасына күнделікті органолептикалық бағалауды медицина қызметкері немесе жауапты тұлға жүргізіп, нәтижесін тиісті журналға тіркейді. Бракераж комиссиясы тамақтану сапасына мерзімдік бақылау жүргізіп, нәтижелерін белгіленген тәртіппен рәсімдейді.

Балабақша әкімшілігі балалардың қауіпсіз әрі сапалы тамақтануын қамтамасыз етуге және анықталған кемшіліктерді жоюға бағытталған шараларды қабылдауға жауапты.

Бракераж комиссиясының жұмысы тәрбиеленушілердің денсаулығын қорғауға, тамақтану сапасын арттыруға және қауіпсіз білім беру ортасын қалыптастыруға бағытталған.